اجمل البنات

اجمل البنات

جميع الاشياء
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 طريقة عمل القطايف فى البيت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 129
تاريخ التسجيل : 26/07/2010

مُساهمةموضوع: طريقة عمل القطايف فى البيت   الأحد سبتمبر 05, 2010 9:33 am

كل عام وأنتم بخير يا احلى البنات يا حبايبى...
أنهارده هقولكم على طريقة عجينة القطايف عشان تعملوها فى البيت وما تقفيش يا ست الكل فى الزحمه عند بتاع الكنافه....
وطبعا أنا نفذت الطريقه عندى الاول للتأكد من نجاحها.....ندخل فى الموضوع:


المقادير:
1.5 كوب دقيق
1 كوب لبن
1 كوب ماء
قطعة خميره بحجم عين الجمل أو ملعقه صغيره خميره فوريه
ذرة ملح ---- ملعقه صغيره سكر

الطريقه:
نضع كل المقادير فى الخلاط الكهربائى ما عدا الخميره ندعكها بالسكر بالملعقه حتى تسيل ثم نضيفها فى الخلاط على باقى الخليط ونضرب ونتركها تخمر من ساعه الى ساعتين..
بتكون عجينه لينه عن بتاعت الكيك...وعلامة التخمر الفقاقيع الموجوده بها...
ثم نحضر مقلاه وندهنها زيت خفيف ونضعها على النار حتى تسخن وبمعلق كبيره نأخذ من الخليط ونضع وحدات فى المقلاه حتى تجف الاطراف وتثقب من المنتصف ...
نطلعها بطرف سكين على فوطه نضيفه حتى تبرد...
وبكده يكون عندك قطايف صنع يديكى ...
ممكن حشوها ووضعها بكيس فى الفريزر لحين أستعمالها وتقلى وهى مجمده ويصير عندك أحلى قطايف
ملحوظه : يجب عند وضع القطايف بعد قليها فى الشراب أن يكون الشراب بارد...
وبالهنا والشفا...


ده أول موضوع لى بالصور معلش سامحونى لو الصور مش واضحه شويه...ولو عجبكم الموضوع لاتنسوا التقييم
وكل سنه وأنتم الى الله أقرب...
أحبكم فى الله


أترككم مع الصور::






ده الدقيق


ده كوب اللبن


دى خميره فوريه دوبتها فى شوية ماء دافىء



هنا وأنا بضربها فى الخلاط



وهنا لما أختمرت شايفين الثقوب




وهنا وهى فى المقلاه نلاحظ بداية تماسك الاطراف



وهنا طلعتها على فوطه لتبرد حتى يكتمل المقدار


وده شكل الوجه الاخر للقطايف طبعا أحنا بنحشى من الوجه الاخر




ودى صوره كمان بعد ما خلصت كل المقدار
على فكره طلع وزن المقدار اللى أنا عملته تقريبا نصف كيلو
منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dondona.yoo7.com
 
طريقة عمل القطايف فى البيت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اجمل البنات :: قسم الطبخ-
انتقل الى: